Google ADS

Zjarr në nje bujtinë në Rumani, të paktën pesë viktima

08:24 | 27 Dhjetor 2023
R J

Pesë persona, përfshirë dhe fëmijë, kanë vdekur nga zjarri në një bujtinë në Rumani, raporton Sky News, transmeton Arbresh.info.

Inspektorati i Përgjithshëm për Situatat e Emergjencave në Rumani ka thënë se shërbimet e urgjencës shkuan në vendngjarje herët të martën në fshatin Tohani në qarkun e Prahovës.

Në deklaratën e dhënë nga Inspektorati, thuhet se në momentin që filloi zjarri në bujtinë po qëndronin 26 persona.

Rreth mesditës, autoritetet e urgjencës konfirmuan vdekjen e pesë viktimave dhe dërguan ekipet e kërkim-shpëtimit për të gjetur disa persona të zhdukur.

Autoritetet e urgjencës thanë  se 18 persona arritën t’i shpëtonin zjarrit dhe dy prej tyre po trajtoheshin për djegie.

Rreth orës 12:45, zjarri është shuar, ndërsa autoritetet kanë vijuar kërkimet për personat e zhdukur.

Ende nuk dihen shkaktarët e zjarrit./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm